July 31, 2020. World Health Organization (WHO) para Thursday din te koishe ke, konuba desh te coronavirus cases othi thaka tuh jawan chokura khan nemite ase koishe. Geneva te, virtual news conference samay Tedros Adhanom Ghebreyesus para kowah tuh jawan chokura khan logot risk besi ase etu nemite tai khan para be coronavirus bemari samay eke kam kurikena nejor ke pachai-kena thakibole lage. “khobor para koishe ke, konuba desh te bemari cases otha tuh jawan chokura tai para kam nesaikena northern hemisphere summer samay kuriase”, Ghebreyesus para koishe. “jawan chokura khan ke be bemari tuh lakibo pareh, jawan khan be muribo pareh aro jawan chokura khan para virus tuh dosura manuh logot te spread hobole pareh, koikena Ghebreyesus para aro koishe. WHO laga chief para koishe ke, kuan jawan chokura khan leaders hobole ase aro ‘botli kuroboli laga drivers’ ase tai khan para hokom sob manekena coronavirus bemari samay tangor steps loboli koishe. Tai kushi nai ke, tangor challenge para novel coronavirus spread hoi thaka tuh rokaboli kuri ase aro jawan manuh khan ke etu risk tuh pojai thiboli lage koishe. “etu bemari ase koikena jeevan tuh rokiboli nahoi. Ami khan sob manuh virus logot thakibole janibo lage aro jeevan thakibo nemite kam thaka laga steps lobo lage. Etu samay ami khan nejor ke pachai-kena aro dosura manuh kuan khan COVID-19 highest risk te thaka khan logot be pachai debo lage”. Ghebreyesus para koishe. “aro ami khan sob melaikena tangor role loikena COVID-19 bemari risk thaka tuh komti kuriboli lage.
Add Comment