New Delhi: Asia khan 2020 FIFA U-17 Women’s World Cup karne line up howa toh khotam hoise, Korea DPR aro Japan khan tournament te chiti kena jaga book hoise. Thailand te AFC U-16 Women’s Championship laga final te chiti kena tai khan laga jaga toh booked kurise.
Korea DPR khan pora Australia ke 3-0 pora harai di kena Saturday laga decider te chitise aro 0tai khan AFC U-16 Women’s Championship te seventh successive top-two te khotam hoise. Japan khan pora China PR khan ke 2-0 pora chiti kena final bonjise.
Duita finalists bhi hosts logot te November 2 pora 21 te dhakibole laga 2020 U-17 Women’s World Cup karne jaoin kuribo.
Duita team ke Welcome kuri kena, FIFA U-17 Women’s World Cup India 2020 karne Local Organising Committee (LOC) laga Tournament Director Roma Khanna pora koise: “Japan laga women’s teams khan olap somoy te etya world stage te Asia khan laga na mocha kuri kena jai ase. Korea DPR bhi, competition te sobse kamiyab desh ase, aro moi khan ektam himat ase ki FIFA U-17 Women’s World Cup India 2020 toh ektam competitive hobo. Moi khan maiki khan ke AFC U-16 final karne phal khilibole biswas di ase, aro tai khan mo khan laga desh te ahiya sal khiliya ke sabole rukhibo napare.”
Korea DPR aro Japan duita bhi jowa sal Uruguay te dhakiya somoy te U-17 Women’s World Cup laga quarter-final stage te olaise.
Add Comment