Incheon: Thursday te Korea Open te Parupalli Kashyap, ekta ekla dhakiya Indian pora Malaysia laga Daren Liew ke harai di kena quarter-finals te khushise.
Kashyap pora Malaysian ke 21-17 11-21 21-12 pora 56-minute second round te harai dise.
Etya toh 33 umar manu 16 match laga Round te khiliya Denmark laga Jan O Jorgensen aro Indonesia laga Anthony Sinisuka Ginting tai jun laga bich te chitiya manu logot te khilibo.
Kashyap pora olap ake round te ektam aram pora 21-16, 21-16 pai kena Chinese Taipei laga Lu Chia Hung ke harai dise.
Wednesday te, PV Sindhu toh pohila round te harise, aro Saina Nehwal toh olai jabole olaise. Men’s singles te, B Sai Praneeth bhi joldi hari kena jaise.
Sindhu pora first game te ektam aram pora chiti dhakise hoile bhi American shuttler Beiwen Zhang pora paki duita games chitise. Tai 21-7, 22-24, 15-21te nami kena 57-minute te harise.
London Olympic bronze medallist Saina pora 21-19, 18-21 aro 1-8 pora South Korea’s Kim Ga Eun logot te olai najaa ake te toh dhakise.
Men’s singles te, Praneeth bhi Denmark laga Anders Antonsen logot te khiliya pohila -round match pora hi olai jabole olaise. Praneeth toh pohila game te 9-21 aro 7-11 te jai dhakise aro second te toh jokom pai kena olai jaise.
Doubles event te bhi India khan karne pair Manu Attri, B Sumeeth Reddy aro Satwiksairaj Rankireddy, Chirag Shetty khan hari kena ektam biya dhakise.
Add Comment