Incheon: Friday te Parupalli Kashyap pora Denmark laga Jan O Jorgensen ke 37-minute te 24-22 21-8 pora harai di kena Korea Open laga semi-final te jaise.
Pohila game te, Indian shuttler ke former World No. 2 pora olap dukh pai dise. Hoile bhi, Kashyap, 2014 Commonwealth Games gold-medallist, pora astey te game 24-22 pora 21 minutes te chitise.
33 umar Indian shuttler pora second game te ektam phal khili kena tai laga opponent ke olap moka diya nai aro match ke decider tak loi jaise. Tai aram pora game 21-8 te chitise aro semi te khushise.
Former World No 6, Kashyap, qualifying round te pora promote kuri diya manu, toh Jorgensen logot te Denmark Open te panch sal ake te khili kena ase.
2015 World Championship bronze medallist Jorgensen laga khilaaf match te Indian toh 2-4 record logot te khushise.
Kashyap etya dusra te world number 1 Kento Momota logot te Satuday laga semi-final te log kuribo.
Olap ake te, Kashyap pora 21-17, 11-21, 21-12 te Malaysia’s Liew Daren ke 16 Round clash chitise.
Jorgensen pora Indonesia laga Anthony Sinisuka Ginting logot te 21-17 16-21 13-21 pora harai di kena quarter karne qualify kurise.
Wednesday te, star shuttlers PV Sindhu, Saina Nehwal aro B. Sai Praneeth khan first-round te hi hari kena jaa biche te single event te Indian bachiya toh Kashyap ekla dhakise.
Kashyap pora ektam phal pora 21-16, 21-16 te Chinese Taipei laga Lu Chia Hung ke harai di kena men’s singles event laga second round te khushi kena ahise.
Add Comment