Korean Drama laga Kim Woo-Bin aru Shin Min toh Shadi kurishe

December 21, 2025: Actor Kim Woo-Bin aru Shin Min-a toh. Korean laga entrainment industry laga sobse dangor manu khan ase koishe. Yete taikhan Saturday din te shadi kurishe koishe. Yete 10 Saal nishina relationship ja pichete. Tai duijun toh Saturday laga sham phane. Private Wedding Ceremony kurishe koishe. Etu toh Seoul laga Shilla Hotel te. Aru yete khali Family Members, khandan aru osor sathi khan ke ahishe koishe. Yete Actor Lee Kwang-Soo toh Kim laga poila para sathi asekoishe. Aru tai para ceremony te host kurishe koishe. Ja moina para. AM Entertainment laga agency khan para Official Statement dishe ki. Tai duijun sadi kuribole laga janai dishe koishe. Arubi koishe ki. Etu duita couple toh bishi lamba jura jabole laga partners ase koishe. Aru eman saal eki logote deep trust bi banaishe koishe. Yete Public khan ke gorom support aru blessings magishe koishe. Tai duijun laga future nimete. Kim parabi Haat para likhea laga letters fans khan ke pathaishe koishe eki din te. Yete likhishe ki. Tai toh sathi kuribole ase koikina janai dishe. Yete eman diri homoi ekta manu logote thakhea logote. Tai toh family banabole aru aru agea jabole kushish kurea ase eki logote. Aru tai fans khan ke kushi pabo koishe. Yete taikhan ke support kureale.  Etu duita couple toh 5 saal age difference ase koishe. Taikhan 2015 laga saal te lok paishe koishe. Yete Clothing Brand te model kurea te. Aru tate para romantic Relationship toh ulaishe koishe. Aru utu saal laga July moina te relationship jaishe koi kina janai dishe. Aru tai duijun toh 10 saal karne relationship jaishe koishe. Shin bi Kim laga osor te thakhishekoishe. Tai Nasopharyngeal Cancer thakhea homoi te. Kim toh 2008 saal para model kurea suru hoi kina. Acting Career te jaishe koishe. Yete tai laga drama toh “White Christmas’ ase koishe. 2011 laga saal te.