Uttar Pradesh, 12 April 2025: Uttar Pradesh Police ekjon manu ke detain kurise, juntu Ayodhya ekta guest house te ekjon mahila kosol kuri thaka time te video loise. Accused jon laga naam Saurabh ase, aru tai UP laga Bahraich district para ase, aru tai etu guest house te he kaam kuri juntu jagah te incident hoise.
Complaint hissab te, incident Friday morning 6 baje nishina hoise. Ekjon female pilgrim, jun guest house te thakise, kosol kura thaka time ekta shadow dekhi se. Upar te jetiya sai se, dekhi se ekjon manu mobile phone te video loi ase tin shed roof opor pora. Dukh aru bhoi laga karone, mahila to chilai dise aru bahar te bolai se. Dusra guest khan jun guest house te thakise, tai laga chila hunikena taratari ahise aru accused ke dhuri kena Ram Janmabhoomi police ke dise.
Police accused jon laga mobile phone check kuri time te 10 ta mahila kosol kuri thaka video, aru bisi obscene photo aru video recover kurise. Case te investigation chuliase aru accused ke interrogation kurise.
Guest house jon naam Raja Guest House ase, juntu Ram Temple laga Gate Number 3 pora 50 meter nishina te ase. Mahila jon, 30 nishina saal ase, Varanasi para char jon logot Ayodhya ahise Ram Temple visit kuribo karone. Tai khan Thursday rati te guest house te dui ta room book kurise, Rs. 500 ekta room karone.
Incident describe kuri kena, mahila koise: “Bathroom upore tin shed thakise. Moi kosol kuri thaka time, achanak ekta shadow dekhi se. Aru moi dikishe ki ekjon manu mobile phone te recording kuri ase. Moi bhoy khai kena, chilai se aru kapara lagai kena bahar ahise. Dusra guest khan bhi bahar ahise aru tai ke dhuri se. Police aji tai ke custody te loise aru investigation chuliase.”
Add Comment