August 29, 2024: Nagaland Sports Day laka occasion deh, Dynamic School of Darst para Kors College Kohima deh Darts introduction aro installation conduct kuri shae, Nagaland Darts Association laka aegis pitor deh. Etu tho taikan 29th August 2024 din deh kui shae.
DSD aro NDA keh introduce kura piche deh College Management para baja time tho DSD keh di shae, game laka necessary introduction karne aro players kan keh detail deh brief kuri shae.
Etu piche deh Imjungmeren para sob manu keh ekta Happy national Sports Day wish kuri shae aro taikan laka college deh Darts introduce kura karne principle aro Management keh taila thanks di shae. Naga Darts laka existence, kuto 2012 sal deh ahi shae, etu deh b ekta brief history share kuri shae. Tai para sports event time deh Darts introduce kura tho Kros college kan first educational institution ase kui nah college keh congratulate kuri shae. Darts lokot deh, Taekwondo b occasion time deh introduce kuri shae.
Vikhor Tepa para attendees kan keh game laka rules aro regulations kan janai di shae. Microphone deh guidelines kan dia time deh, DSD aro NDA para pastha members kan ekta ekta board deh ahi shae aro hands on training aro demonstration kan di shae. Training laka middle time deh, kun bah kan natural talents dikai shae.
Event laka end deh, college aro NDA majo deh ekta consensus punchi shae, college kan prestigious Annual Nagaland Darts Association Tournament deh taikan laka pastha best players kan pata bo kui nah. Tournament tho 14th aro 15th September deh lubo leh ase, La Colline, Old Minister Hill 2024 deh.
(Avika Awomi, IA)
Add Comment