Dimapur, August 17: Kohima Smart City para Green Team Kohima logode melikena August 16 direk “100 days Smart City Special Initiative Campaign on Sanitation” pethor deh consultative meeting nemide Kohima Chamber of Commerce and Industries ke invite korishe. Meeting deh Government ban toh bonabole aro suru kuribo nemide kotha korise. Administrator & CEO, Kovi Meyase koishe, September 17 direk bondh nahowah agae deh etiya ek-moina ase. Plastic ban laga pura issue toh KCCI laga inputs aro efforts nathaka kena nahobo. Tai para bona toh kamiyaab hobo nemise sob stakeholders khan melibo lagi koishe.
NGOs, Green Team Kohima nesana khan toh hosiyar bonabo nemide sob kosish loi ase. KCCI toh hosiyar bonabo nemide aro ban suru kora ke motob kuribo nemide kaam laga role ase bhabona ase. Members khan plastic bondh kora para kenaga motob pabo etu opor deh kotha kora thakise. Members khan Task Force para saijabo nemide practical action lobo nemide olob suggestions forward kuribole fesla korishe.
DC Kohima ke besi submit kora majode kaam laga points submit kora khan toh, gari deh pictorial banners aro PA systems para town areas deh mass awareness bonabole aro ban opor deh English, Nagamese aro local dialects para hosiyar janaidebole aro companies & organizations para plastic laga jaga deh tusara saman annibole nesana khan ase. Members khan para ban toh phal para kamiyaab hobo nemide District Task Force para pura shaat debole koishe.
Add Comment