KSU pora drug bikri kura manu thurishe

Shillong, Aug 31, 2018: KSU Lummawbah Unit aro  Upper Shillong Circle pora ekta local drug bikhri kura manu ke thurishe .Aro koishe etu jaka laga drug racket toh ase ato Madanriting te etu jaka te ekta mota maiki pora etu chulai ase.”Etu mota maiki Michael aro Rose   laga naam pora janaa toh drug khan bishi te bikhri kuri ase city te ekla nohoikena bithor jaka khan te bi kuri ase .”Etu drug bikhri kura manu koishe media logote kotha kuwa time te .Tai aro bi koishe kun ba khan laga naam etu racket te thaka .Etu te porana army laga maiki .Etu drug bikhri kura manu toh Class XII drop out ase etu racket te tai laga saathi khan laga modot pora ghussise aro koishe tai drugs luwa charishe ek sal akhe .Etia KSU Nongthymmai Circle president, Richard Mawkhiew koishe  kunba drugs bikhri kura manu khan ke thuribole parishe aro etu racket chula  manu ke etia tak thuribole paranai.Tai koishe juwan manu khan drugs khan khaa toh bishi uthi ase ekta jaka pora dusra jaka te. KSU leader koishe KSU laga central executive committee khan  Assam Regimental Centre (ARC) laga officers khan meeting lobole ase etu drug khan ahi thaka rukhabole nimete.