Kumamoto, 14 November : P.V. Sindhu laga first-round match te jitise, jabole Lakshya Sen men’s singles draw pora pair hoise India laga mix results din thakise Kumamoto Masters Japan 2024 te, BWF World Tour Super 500 series badminton event te Wednesday din.
Duita Olympic medal jitikena Sindhu, jun disappointed season recover kuribo nimite mahila laga singles title itu event te jiti loishey, Thailand laga eighth seed Busanan Ongbamrungphan ke 21-12, 21-8 pora harai dise 52 minutes laga match te Kumamoto Prefectural Gymnasium laga Court 1 te.
Lakshya Sen, jun Paris Olympic Games laga semifinalist ase, Malaysia laga Leong Jun Hao ke face kurise aru teneka te tinti game pora harise, 22-20, 17-21, 16-21 score te, aru itu 74 minutes laga tough match pora harai dise.
India laga top mahila laga doubles pair Treesa Jolly aru Gayatri Gopichand bi Tuesday te first round te harise.
Sindhu, jun Singapore Open 2022 pora kunba title jiti nohoi aru 24-mahina laga drought khotom kuribo kosis kuri ase, start te bhal nohoi thakise jabole Ongbamrungphan 5-1 lead kuri dise shuruwat te. Kintu India laga shuttler, jun BWF Rankings te 20th ase, fight back kuri khel te ulai aahi loise aru 11-10 lead kuri dise break te.
29-saal umar Sindhu complete control te thaki jaise aru first khel te seven points successive jiti loise. Second khel te bi itu same rhythm maintain kuri 4-0 lead loise jabole Thai khiladi tai laga first point loise.
Ongbamrungphan fight back kuriboley kosis kurise second khel te huilewi Sindhu complete rhythm aru strong form te thaki jaise aru last 12 points te pora 11 points jiti khotom kuri dise aru Michelle Li Canada pora second round te samna kuribo. Michelle Li Japan laga Natsuki Nidaira ke straight khel te haraise tai laga opening-round match te.
Kumamoto Prefectural Gymnasium laga Court 4 te Sen positive note te shuru kuri se Leong Jun Hao opposite te aru 13-16 deficit pora comeback kuri first game 22-20 te jitise. Hoile bi, next doita khel te same level composure maintain nokuri paise aru down hoise juti fight kuri thaka niyo.
Second game te Sen 1-4 pora fight back kuri 6-6 level kuri dise, huilewi Malaysian khiladi tai laga khel 11-7 gap loise aru Leong 14-14 te control loise aru 21-17 te jeet kuri dise.
Sen slight advantage thakise decider te, kintu Malaysian khiladi laga pressure continue thakise aru last final five points jiti 17-16 pora khel aru match jitise aru aru ekta tournament disappointing note te khotom kuri dise.
Add Comment