Kumar Nursing Home uporte khilaaf hoikena FIR kurishe

GUWAHATI | September 29, 2018: Sunday din September 23 te Kumar Nursing Home Bharalumukh area, Guwahati te thaka laga khilaaf uporte ekta case register hoishe thik pora kaam nakura nimete.Etu case toh  Bharalumukh police station te register hoishe.FIR te kuwa hisaab te  Azara te thaka  maiki Sabita Das murijaishe  etu nursing home te September 21 te ekta maiki bacha ke jonom n kurai diya  pichede.Etu murijiaa laga ghor manu khan pora koishe etu maiki pora 10:30 am nishena te bacha jonom kurishe aro 5:30 pm nishena te murishe tai ke dusra private hospital te luijaa time te.Etu maiki khan laga khandan manu khan pora etu hospital te kaam kura manu khan uporte bodnam kurishe Sabita namura akhe te bacha ke tai khan ke nadia karne.Tai khan pora aro hospital authorities khan ke khilaaf kurishe tai khan ke Rs 60,000 bill charge kura karne aro etu bacha ke tai khan laga haath te nadia karne bill toh nadia tak.Etu pichede Kumar Nursing Home te Sabita mura pichede jakara khan olaishe aro etu hala khan kurikena aro police khan rukhai diya pichede hi hospital laga manu khan pora etu bacha ke khandan manu khan ke dishe.Etu case laga investigating officer Afzal Hussain pora G plus ke khobor dishe ki ekta case Indian Penal Code (IPC) laga section 304 (A) bithor te register hoishe aro etia chan bin chuli ase.