May 11, 2024: Telangana Chief minister Revanth Reddy para Friday din deh Balakot airstrikes laka authenticity keh question kuri shae. Tai etu kuri nah Congress party pare sobse latest leader hui shae, February 2019 laka action tho doubt kuri bole, kuto Pakistan mati deh kuri shae Indian Air Force para(IAF).
“Kun para thik para najaneh, etu hamla tho hui shae nah nai kui nah. Country laka internal security ensure kuri bole responsibility tho mukan laka hath deh taki shae koile tho, mukan kun laka hath deh b rakhi bo dibo taka nai,” Reddy para ekta press meet deh kui shae.
Congress leader para Priem Minister Narendra Modi aro BJP keh accuse kuri shae, Pulwama attack aro IAF para kura retaliatory strikes para “political benefits” pabo leh koshish kura karne.
“Mui taike(PM) keh hudi bo mun ase, apni ki kuri taki shae? Apni kile (Pulwama attack) hobo di shae? Country laka internal security boost kuri bolem apni ki kuri shae? Kile IB aro R&AW nishi nah agencies kan laka motot lua nai? Etu tho pani laka failure taki shae,: tai para charge kuri shae.
