New Delhi, 11 March : Kush Maini 2012 pora Formula 1 te ahibo laga prothom Indian driver hoishe, karone tai Alpine team te 2025 season karone reserve driver hisab te join korise.
Maini India pora Formula One team te ahibo laga third driver hoishe, Narain Karthikeyan aru Karun Chandok pora pisot. Tai ekla Alpine F1 reserve driver ase jun actively Formula 2 Championship te compete korikena ase, aru tai Dams Lucas Oil karone race koribo ase.
Maini laga inclusion 13 saal pora Indian talent ekjon Formula 1 team te ahibo te mark korise.
Maini Alpine F1 Team logote pichla season te charita test successfully complete korise. Tai laga strong performances etiya season te bhi thakile, tai 2026 karone full-time seat karone potential contender hoibo pare.
Itu young Indian driver last year Formula 2 season te exceptional performance dikhai dishe, aru panchta podium positions secure korise. Hungary te ekta standout victory pai loise, aru itu Invicta Racing laga Teams’ Championship victory 2024 F2 season karone dangor role play korise. Tai Jeddah te history banai dishe, jun te tai Formula 2 te pole position claim koribo laga prothom Indian driver hoishe.
Add Comment