Gaza, 20 January 2025: Palestinians khan Gaza laka rasta te ja time te cease fire toh mana boleh, kushi laka time toh khotom hoi jaishey kileh maneh taikhan wapas ghor ja time te pura nuksan hoi kina thaki shey. Jabalia, north Gaza te ekta town te, kun toh strip te sopse dangor refugee camp ase, picture aro videos khan tadeh laka manu pra share kura dikhi paishey pura neighbourhood mihin hoi kina. Jabalia laka al-Faluja jaka te wapas ja time te, Duaa al-Khalidi pra BBC news khan ke koishey, tai taila duita maiki bacha lokot bachi kina ase, taikhann laka ghor laka phator nichi pra ahishey.
Yete, phator laka nichi te, taila mota, mother-in-law, aro sister-in-law laka body ase kun October 9 pra tadeh ase. 29 saal maiki pra aro koishey, tai eku nalageh, khali taikhan laka body, tai dignity lokot taikhan ke dapabo leh mon ase.
Jabalia camp, ekbar 250,000 Palestinians khan laka ghor thaka toh, echa sopse dangor aro sopse violent Israeli military operation laka jaka hoi jaishey war hwa time te, tadeh 4,000 Palestinians khan ke murai dishey, Hamas-run health ministry laka hisap pra. Jabalia te wapas aha Hussein Awda, tai b Gaza city pra wapas aha laka journey toh document kuri shey. Professional weightlifter, kun Palestinians ke internationally represent kuri shey, tai dosta ghor manu harai shey war laka shuru time te. Tai pra koishey, aji sopse bhal hwa time toh 100 saal pichideh tai b taila ghor manu laka grave te jabo paribo aro taikhan nimite pray kuri dibo.
Add Comment