Punjab, 18 March 2025: Mohali te authorities khan pra ekta full-scale investigation launch kuri shey kuta laka matha pa pichideh fridge te raid time te ekta fast food factory te Mattur te. Etu jani pa toh dui din crackdown hwa time te hoishey unhygienic food production opor te etu time te officials khan pra biya hwa food khan bishi toh seized aro destroyed kuri dishey. Sunday din te, locals khan pra complaint di kina, ekta municipal team khan pra ekta momo aro spring rolls factory raid kuri shey residential ghor bahar te operate hoi thaka. Video olai shey online te kam kura manu khan letara pani aro biya hwa sabji khan chulai thaka. Factory toh, kun toh dui saal karne jai ase, momos aro spring rolls khan banai thake hotai din aro Chandigarh, Panchkula aro Kalka te supplied kuri deh. Officials khan aro frozen mangso, ekta crusher machine, aro reused cooking tael paishey jaka te.
Crackdown te Monday din te continued kuri shey kicha Municipal Corporation laka medical team khan murgi dukan raid kuri shey Mattur te, foul-smelling frozen murgi laka 60 kg nishina seized kuri kina destroy krui dishey. Ongoing investigation laka hisa hoi kina, food saman khan laka samples, momos, spring rolls aro chutney milai kina, jama kuri shey aro lab testing te phatai dishey. Ekta raid te, officials khan pug kuta laka matha paishey fridge laka bitor te. Kicha locals khan alarm raised kuri shey, ‘billa’ hala kuri kina matha toh dikha time te, officials khan pra koishey etu toh food production te toh chula naii nahoileh b factory kam kura manu khan pra khai shey, kun khan Nepali origin laka ase.
Matha toh Veterinary Department te phatai dishey examination karne jani boleh kuta mangso toh factory’s product te chulai shey nanai koina.
Add Comment