Hyderabad, 14 May : Ekta five-mahina bacha ke ekta kutta para jaan luishey, Tandur dey Telangana laga Vikarabad district dey aji. Itu mota, Babusai, ghor dey ghumai thakishey, unattended, kitia itu kutta pitor dey ghusina taike haamla kurishey. Itu bacha laga baba Dattu, jani paishey ki, tai laga bacha muria dikhina kutta ke murai dishey. Local media reports kuishey ki itu bacha laga maa baab toh kaam karney ghor bahar dey ulaishey. Kitia kunwa local residents para kuishey ki itu kutta toh Dattu laga workplace dey pet thakishey, itu unit laga malik para itu maana kurishey aro kuishey ki itu toh raasta laga kutta thakishey. Itu ghatna para desh dey kutaa para haamla kuria laga ghatna uthia spotlight dey anishey. Ministry of Health and Family Welfare para jaa december report kurishey ki kutta para kamuria laga ghatna khan toh 26.5 per cent para uthishey, 2022 para 2023 tak dey. Itu mahina agey dey, ekta five-saal maiki serious jokhum huishey kitia Rottweiler kutta para taike Chennai dey ekta park dey Gamla kurishey. Itu kutta toh pets thakishey aro leash dey thakianai. Police para Malik laga khilaf negligence laga ekta case register kurishey. Itu ghatna karney, Greater Chennai Corporation para public parks pitor dey pets, particularly kutta ke ghusiwoley karney rules tighten kurishey. Itu revised rules para pets khan park pitor dey leash aro muzzle thakiboley mandatory kuri dey.
Kutta para 5-mahina bacha laga jaan luishey Telangana ghor dey
