Kuwait ruler, Sheikh Sabah, 91 umer te morishe

New York: September 30, 2020. Prime Minister Narendra Modi para Sheikh Sabah Al-Ahmed Al-Jaber Al-Sabah, Kuwait State laga Amir mora nemite mon dhuk kora junai thishe. Twitter te PM Modi para koishe ke, “aji, Kuwait State aro Arab duniyaa  laga sobse morom thaka leader morishe, India toh osor sati ase. Tai para tangor bhal kam kora nemite ami laga rista takot hoikena ase, aro tai para Indian manuh ke Kuwait te besi morom korikena bhal para sai ahishe,” PM Modi para janai thishe. Sheikh Sabah Al Ahmad Al Sabah, Kuwait laga ruler para tial(oil) dhun desh aro Iraq logot melai thikena aro 1990 Gulf War beche dosura kam nemite be kamyab ana manuh Tuesday din morishe, tai 91 umer thakishe. Middle East te sokar khan logot Sheikh Sabah para bhal kam korikena Qatar aro dosura  Arab desh pithor meli thikena etu aji dak jai ase koishe. Kuwait te tai 2006 saal te tangor manuh howa beche US laga sati ke Iraqi sepia khan ke kabza koribo samay rokaishe. Etu samay  Parliament para tai oper te ahiboli thaka manuh ke hatai thishe, Sheikh Saad Al Abdullah Al Sabah toh rule korikena 9 din thaka samay ase.