Kohima, 07 May: Krishi Vigyan Kendra, Zunheboto, Nagaland University para training programme aro supply of inputs toh Litta Old village farmers field te NCIPM, New Delhi logote melikena loise.
Litta Old Village te mokai kethi te Fall Army Worm (FAW) infestation opor te khobor powa bechite, Dr. Rakesh Kumar Chaurasia (Sr. Scientist aro Head) aro Mr. Wapangtoshi Longkumer (ACTO, Plant Protection) toh farmer’s field te lok korise aro farm te inspect korise.
KVK para press release te koise, aji kali laga situation te, Mokai kethi te Fall Army Worm infestation toh ektum ektum hoise aro etu para farming communities te besi economic loss hoise.
FAW infestation confirm bechite, Plant protection scientist para pest te organic, indigenous methods aro last opai pesticides jolai kena kenaka control kori etu opor te thek janaishe. Farmers para be infestation khobor toh Soybean logote Bean Leaf Beetle aro Tomato logote fruit Borer te janaishe.
Scientist para pests te kenaka control koribo aro ekta kethi para tusara kethi te naphelibole nemite kenaka prevent koribo etu opor thek khobor deshe.
Dr. Mukesh Sehgal, Principal Scientist, National Research Centre for Integrated Pest management, ICAR toh video call para hisha lowa khan ke kotha korise aro tai khan ke pest infestation thaka opor te kotha korise aro FAW te control koribole nemite pariya pura motob debole janaishe.
Hisha lowa farmers ke free motob toh form of Yellow sticky traps, Neem oil, pesticides aro Sprayer te deshe. Farmers para mokai te FAW phela te control koribole bhabona ase aro ahibole din tusara pest infestation toh Tomatoes aro Soyabean te.
Add Comment