KYC update nemite 4 lakh lotishe

New Delhi: Bihar te 31 umer ek jun para manuh ke thoka deya nemite thurishe. Etu manuh para Know Your Customer (KYC) update koriboli kam kora te tuita(2) bank accounts para Rs 4 lakh chor korishe, koikena police para etu khobor toh janaishe. Police laga khobor hesab te, maiki manuh ek jun complaint hesab te tai laga papa logot joint bank account thaka te, March 3 darik te KYC update koriboli SMS paishe koishe. Etu number te call kora samai, ek jun manuh para bank executive ase koikena janaishe aro etu manuh para KYC update koriboli motob korishe, koikena complaint hesab te janaishe. Maiki laga papa para details deya te, tai logot banking laga password toh putli hoishe koikena message ahishe, Police para koishe. Etu manuh joldi bank te jaikena kam toh janai thishe, hoilebi etu samai join account te aro maiki laga dosura account ekta te 4 paar transactions kora thikaishe aro etu accounts para Rs 4 lakh chor kori loishe. “investigation kora samai, police para etu chor khan toh Bihar aro Jharkhand laga manuh ase koishe. Sunday din te pesarikena Bhagalpur para Santosh Kumar ke thhurishe,” koikena Deputy Commissioner of Police (south) Atul Kumar Thakur para khobor toh janaishe. Sawal kora hesab te etu manuh para dosura manuh khan laga bank details chor kora toh ek jun Ramu laga hath para jana ase, DCP para koishe. Etu manuh logot dosura manuh samil hoikena thaka ke thuriboli persari ase koishe.