Kylian Mbappe agey Real Madrid Training Session complete kurishey

Spain, 8 August : Real Madrid laga star summer signing Kylian Mbappe tai laga agey training session dey Spanish champions logot part luishey Wednesday dey. Pre-season medical tests lua piche dey, itu khiladi khan Madrid laga training centre dey gym dey work out kurishey, club para ekta press release dey kuishey. Taikhan para bhi kuishey ki training dey full squad report kurishey, kitia khiladi khan wapis ahishey kun itu summer Euro 2024 dey part luishey. Attacker Mbappe ke tai laga desh logot eventual winners Spain para itu tournament laga semi-final stage dey eliminate kurishey. Itu 25-saal superstar ke ekta Madrid khiladi nishna July 16 dey officially janai dishey Santiago Bernabeu dey, kutey tai para stadium dey thakia 80,000 fans ke kuishey ki tai laga sapna bura huishey.