November 12, 2023: Kylian Mbappe para hat-trick score kura tho Paris-Saint-Germain keh 3-0 jiti bo di shae Saturday din deh. Etu hat trick para Paris-Saint Germain Ligue 1 table laka top deh uthai di shae hoile b coach Luis Enrique tho France captain laka performance itia b kushi napai. Mbappe tai 3rd minute deh first goal tho gusai shae aro 2nd half deh tuita goal aro gusai nah PSG jiti jai shae.
PSG laka goalkeeper Gianluigi Donnarumma para b Reims laka goal attempt kan rukai di shae. Mbappe tho Ligue 1 lka leading scorer ase 13 goals lokot deh aro etu season deh tai 11 appearances ase. Hoile b taila coach tho itia b satisfy nahoi taila performance deh.
“Mukan Kylian Mbappe laka worth jani ase hoile b aro bhal kuri bo pari bo. Mui itia b bishi laki ase taila hath para. tai dunia deh ekta best player ase, hoile b bhal hobo para laka jaka kan bishi ase,” Spaniard para kui shae.
