Kylian Mbappe para chae sal laka nalagia record keh bangai di shae

October 27, 2024: Sunday laka El Clasico tho Real Madrid laka nutun Galactico Kylian Mbappe laka first match taki shae aro etu match tho Barcelona laka against taki shae. Etu reasons kan karne game tho ekta manu bishi ruki taka game taki shae. Etu laka upor deh game tho Madrid laka nutun revamp hua mati deh taki shae, Santiago Bernabeu deh. Hoile b etu match tho Mbappe karne bhal taka nai. Barcelona para Real Madrid keh 4-0 harai di shae. Etu heh nahoi nah Frenchman nijor ekta pahuribole napara outing taki shae. Mbappe tho score kuri bole para nai aro 8 times karne offside duri shae. Europe laka top five leagues deh etu tho sobse bishi par kura ase ekta player para, ekta match deh. Etu laka agae deh etu record tho ekta former Real Madrid aro France player, Karim Benzema para duri taki shae. Madrid kan shuru deh ball tho bishi duri taki shae hoile b chances kan bishi waste kuri shae. Mbappe, close range para chartha clear opening shots keh miss kuri shae. Tai para tuita goals score kuri shae hoile b tuita goals b offside ase kui nah rule kuri shae. Madrid Manager Carlo Ancelotti para Mbappe tho final third deh aro accurate taki bo laki taki shae kui shae. “Taikan ekta high line deh kili taki shae kui nah mukan jani taki shae aro mukan etu lap lubo leh para nai, Ancelotti para kui shae. “Kun bah time deh Mbappe tho offside giri shae, hoile b tai score kuri bole teentha, chartha chance taki shae aro ekta aro bhal finishing touch laki taki shae.