Kylian Mhappe proud ase, PSG keh chari bole

May 26, 2024: Saturday laka French Cup final jiti nah, Kylian Mhappe para tai, Paris Saint-German keh chari bole proud ase kui shae. Hoile b tai aha season kuteh kile bole ase, etu confirm kuri bole thik time karne rukhi bo kui shae. “Final deh ekta trophy lokot deh kotom kuri tho, etu lokot deh bhal nai. Bishi bhak feel kuri ase.” Mhappe para reporters keh kui shae, PSG para Lyon keh 2-1 deh harai dia piche deh, Lille northern city laka final deh. Mhappe laka contract tho kotom hui shae aro tai, season kotom hua piche deh chari bole confirm kuri shae. Taila next destination tho Real Madrid hobo leh expected ase, tai nahoileh Spanish giants para announcement ekta b napa nai leh b. “Muila club lokot deh bhal para kotom kuri bole heh laki taki shae mui, ekta trophy lokot deh. Mui laka papna deh, sob karne time ase aro mui muila future club, bhal time deh announce kuri bo,” tai para kui shae. “Mui laka papna deh etu tho aha din deh hobo. Mui najeneh, kitia. Itia b kun bah details kan ase sort out kuri bole. Hoile b sobse zaruri kotha tho, yeteh bhal para kotom kuri bo karne ase,” Mhappe para kui shae.