New Delhi, 13 September: Six Indian boxer khan majode L Sarita Devi aro MC Mary Kom toh 13th International Silesian Championship laga semi-final de kushi kena ase. Etu tournament toh Gliwice, Poland jaga de loi ase. Purana world champion aro Asian Games bronze-medallist Sarita toh Wednesday din Czech Republic’s Alena Czechy logode 5-0 score pora jeta thakise. Etu agae tai Kazakhstan’s Aizan Khojabekova logode 60kg category laga opening round de jeta thakise. Tai aro tusara Kazakh logode semifinals de khelibole ase. Khel de hesha thaga Indian majode Ritu Grewal toh against Russia’s Svetlana Rosja logode 4-1 pora jeta thakise. Etu pora tai 51kg category laga semifinals de kushibole pari kena ase. Lovlina Borgohain (69kg) be 51kg category laga semifinals de kushibole pari kena ase. Tai Czech Republic’s Martina Schmoranzova logode jeti kena semi-final kusha laga ase. Last-four stage de join hoi kena thaga toh purana Asian youth champion Manisha (54kg) aro Pooja Rani (81kg) ase. Manisha pora Kazqakhstan laga purana world champion Dina Zholaman logode 5-0 pora jetise aro Pooja toh Ukraine’s Anastasiia Chernokolenko logode quarter finals de jeti kena ase. Youth competition de, Jyoti Gulia (51kg) toh Germany’s Rafaela Arampatzi logode 5-0 pora jeti kena ase. Hoilebe Seema Punia (+81kg), Pwilao Basumatary (64kg) aro Shashi Chopra (57kg) toh agae jabole na-para thakise. Seema toh Kazakh Lazzat Kungeibayeva logode 5-0 pora jeti kena ase aro Basumatary toh Poland’s Natalia Barbusinska logode hari kena ase. Tusara side de Shashi toh England’s Anglia Chapmen logode hari kena ase. Junior competition de, Raj Sahiba (70kg) toh Poland’s Barbara Marcinkowska logode 5-0 pora jeti kena ase. 75kg category de, Neha toh Daria Parada logode jeti kena ase aro Komal (80kg) toh Martyna Jancelewicz logode 3-2 pora jeti kena ase.
Add Comment