La Liga 2018

Agencies, 04 November: Sunday din Estadio del Rayo Vallecano jaga deh Barcelona aro Rayo Vallecano khela thakise. Etu time deh Barcelona 3-2 score pora jetise. Barcelona nemide Luis Saurez pora tuita goal thala thakise aro Qusmane Dembele pora ekta goal thali kena motob kora thakise. Etu pora Barcelona 3-2 score pora jeta thakise. Aro Rayo Vallecano nemide Jose Angel Poza aro Alvaro Garcia Rivera pora ekta-ekta goal thala thakise. Sunday din tusara match Municipal de Ipurua jaga deh Eibar aro Alaves khela thakise. Etu time deh Eibar 2-1 score pora jeta thakise. Eibar nemide Joan Jordan pora 69 minute time deh ekta goal aro Papakouli Diop pora 90+1 minute time deh ekta goal thala karni jetibole para thakise. Alaves nemide khali ekta goal toh Jony Rodriguez pora 4 minute time deh thala thakise. Match time deh tuita team laga khelari, Eibar tam laga Pablo de Blasis aro Alaves team laga Ruben Duarte ke red card powah thakise. Tusara match Estadio de la Ceramica jaga deh Levante aro Villarreal khela thakise. Etu time deh Levante 1-0 score pora jeta thakise. Levante jetibole para toh, Villarreal laga khelari Ramio Funes Mori pora nejor laga net deh goal thala karni jetibole para ase.