Montjuic, 12 May : Barcelona ek dangor kadam uthaise Sunday din Spanish league title jeetibo karone, juntu te Real Madrid logot ekta romanchok 4-3 laga jeet pai loise — Kylian Mbappé laga hat trick thaka ekta mesmerizing ‘clasico’ hobo sujto — aru etiya Barcelona second-position thaka Madrid logot 7-point laga difference banaise, juntu te sirf tinta match baki ase.
Barcelona karone Raphinha dui ta goal marise, aru Lamine Yamal aru Eric Garcia ekta kori goal disey. Shuru te Barcelona 2-0 pora pichhi jaise, juntu te Mbappé panch minute aru 14 minute te goal marise Montjuic stadium te. Kintu half-hour logot match equal kori loise aru halftime hote hote 4-2 pora lead loise, ekta bisi dangor comeback te.
Mbappé 70th minute te hat trick complete korise, kintu Madrid pichhor para ulta ahibo na parise, aru etu match Madrid laga title defend koribo laga asha karone ekta dangor jhatka dise.
Mbappé etiya league laga top scorer hoise 27 goals logot, duita goal besi ase Barcelona laga Robert Lewandowski pora, jun Sunday din match start bhi no korise.
Etu bhi ekta dangor match thakise Barcelona karone, jun Tuesday din Champions League semifinals te Inter Milan logot extra time te haar khaise. Aggregate te Barcelona 7-6 pora Inter Milan logot hari loise.
Barcelona etu season Madrid logot khela sob match jitise. October mahina te first league match te Santiago Bernabeu stadium te 4-0 pora jitise, January mahina te Spanish Super Cup final te 5-2 pora jitise, aru last month te Copa del Rey final te 3-2 pora Madrid ke haraise.
Add Comment