Madrid, 26 January : Real Madrid away match te third-placed Villarreal uporte 2-0 te jitikene La Liga table laga top te uthisey. Kylian Mbappe second half te duita goal marise. First goal ahisey jetiya Villarreal Vinicius Jr. laga cross clear kori naparise, aru stoppage time laga last phale Mbappe foul paile penalty marikene second goal disey.
First half iman expectation meet kori naparile, kintu pura match te Real Madrid better side asil. Villarreal aru ekbar Spain laga “big three” — Real Madrid, Atletico Madrid aru FC Barcelona — uporte problem paise.
Osasuna itu season laga first away win loisey Rayo Vallecano laga ground te 3-1 jit loi. Rayo laga attack iman effective nathakisey. First half te Ante Budimir smart reaction loi Osasuna ke lead disey.
59th minute te Pathe Ciss header marikene equalizer disey, kintu Victor Munoz Osasuna laga late surge ke inspire korise. 91st minute te tai laga shot Jozhua Vertrouwd pora deflect hoi gol hoisey. Tin minute pichete Asier Osambela counter-attack pichete third goal marikene match finish kori disey.
56th minute te Akor Adams laga penalty Sevilla ke ghar te Athletic Club Bilbao uporte 2-1 jit disey. Athletic Wednesday din Atalanta uporte Champions League away win pichete iman flat lagisey.
40th minute te Robert Navarro close range pora Athletic ke lead disey, kintu duita minute pichete Peque equalize korise. Yuri Berchiche laga handball pichete penalty ahisey aru Adams Unai Simon ke beat korise.
Largie Ramazani laga 94th minute penalty Valencia ke Espanyol uporte ghar te 3-2 jit disey, itu duita straight win hoisey. Hugo Duro aru Eray Comert duibar Valencia ke lead disey.
Espanyol karone Ramon Terrats close range pora goal marise aru Copete laga unfortunate own goal pichete match draw hoibo nisina lagisey. Kintu stoppage time te Ruben Sanchez laga clumsy foul Ramazani uporte hoikene Valencia ke penalty aru jit gift kori disey.
Add Comment