La Liga: Messi para jarta goal deya nemide etiya Barcelona toh Real Madrid para agae top te othise

Madrid, 23 February: Lionel Messi para jarta goal dey para La Liga table te Barcelona toh top jaga lobole paishe. Real Madrid toh top te thaka ase hoilebi Saturday rati Levante ke hara bechide top jaga toh lost hoise. Barcelona toh 25 matches laga te Real Madrid para tuita points agae 55 points te ase. Saturday rati Barcelona aro Eibar team majode La Liga laga 25 matches thakise. Etu matches te Barcelona 5-0 score para jetishe. Barcelona nemide Lionel Messi para jarta goal toh 14, 37, 40 aro 87 minute te deshe. Barcelona nemide tusara goal toh Arthur Melo para 89 minute te deshe. Real Madrid toh Levante ke 1-0 para harishe. Etu para tai khan etiya next Man. City logode khelibole laga te olob doubt para ase. Jose Luis Morales Nogoles para Levante nemide goal toh 79 minute te deshe.