“Laapataa Ladies plagiarised nahoi,” writer koishe

India, 06April 2025: Laapataa Ladies laga writer Biplab Goswami ekta statement dise, juntu te allegations ke clarify kurise. Etu controversy uthise jitya ekta Arabic short film, “Burqa City”, social media te viral hoise aru etu dukh story ke similar paise Kiran Rao direct kora “Laapataa Ladies” logot. Biplab Goswami Instagram te janai dise ki tai etu “Laapataa Ladies” film laga synopsis “Two Brides” nam dise July 3, 2014 te Screenwriters Association logot register kura time te, aru etu time te “Burqa City” nabanai kena thakibo. Tai ekta main scene mention kuri se juntu te ekta groom wrong bride ke ghor loi jai, face cover kura karone confuse hoi, aru yate story start hoi. Tai add kurise ke full script 2018 te register kuri se aru etu Cinestaan Storytellers Competition te runner-up award bhi paise. Goswami janai dise ki face cover kura aru mistaken identity laga concept burana writers juntu Shakespeare, Dumas, aru Tagore para use kuri thakiase. Tai eneka bhi koise ki “Laapataa Ladies” laga story, dialogue, aru character sob original ase aru etu bishi research, rural area te mahila laga condition buji kene, banai se. Goswami koise ki etu film ekta honest aru dedicated work ase, aru plagiarize kurise koi thaka allegations pura misa ase. Director Kiran Rao bhi Biplab Goswami laga statement ke support kori kena, ta Instagram story te reshare kurise. “Laapataa Ladies” film te Pratibha Ranta, Nitanshi Goel, aru Sparsh Shrivastava lead role te ase, aru Aamir Khan Productions laga under te banaise.