Assam 5 May: Ekta adha puchina laash ekta paishey Chhaygaon deh aro local manu kan chinta. Chhaygaon police kan etu body laga mura laga karan opor deh investigation start kurishey.
Election thik khotom huina ekta discovery huishey Chhaygaon, Assam deh. Adha puchina thaka laash ekta Gorubazar laga osor deh paishey. Mura manu laga naam toh Kamal Das ase aro tai laga age toh 42 ase koishey. Tai toh Chhaygaon Dhekenavari laga Late Samudra Das laga bacha ase koishey.
Chhaygaon police kan ba phata phat scene deh punjishey koishey report pa khobor hunina, aro investigation toh chalu ase. Das laga mura laga karan toh itya bi thik ba jana nai koishey aro clear nai. Authorities kan ba aste aste sob clue kan piece ba piece join kurey ase koishey etu body laga discovery nimey deh.
Etu body laga discovery ba local manu kan laga majot deh concern jagai dishey aro etu maamla laga opor deh thik ba investigation kuriwoley police ba start kuridishey koishey.
Add Comment