September 26, 2025, 05:09 PM: Itu Labour laga Department para ekta Awareness Programme organize kurishey, itu Employees State Insurance (ESI) Scheme opor tey, kuntu tey ekta free medical camp aru registration drive bhi thakishey, 26th September, 2025 tey, Tiyi Hall, Wokha tey.
Itu programme toh hoiley, Deputy Labour Commissioner Wokha, Thungbemo Lotha para chair kurishey, kun para toh hoiley itu participant khan ke welcome kurishey aru social security scheme khan laga importance emphasize kurishey, employee khan laga welfare safeguard kuriboley karney.
Ekta keynote address deliver kurishey, Additional Labour Commissioner aru ESI Scheme Nagaland laga CEO – Avile Vitso para. Tai para itu ESI Scheme laga core objective khan highlight kurishey, tai para itu laga benefit khan extend kuriboley aru introduce kuriboley lagi thaka laga stress kurishey, citizen khan aru employee dui jon ke bhi, sector khan bhitor tey.
SDO (Civil) Wokha, Echungbemo Erui para bhi tatey jama kuria manu khan ke address kurishey. Tai para employee khan aru employer khan ke encourage kurishey, itu ESI Scheme under tey register kuriboley karney, effective regulation aru mutual benefit nimitey.
Tai para assure kurishey ki, District Administration toh hoiley lagi thaka support dibo koi kena, smooth para itu scheme toh implement kuribo pariboley, Wokha district bhitor tey.
Branch Office, ESIC Dimapur laga Chubalemba para itu ESI Scheme laga alag alag benefit khan opor tey kotha kurishey.
Add Comment