Ladakh: Black-necked crane aro snow leopard toh state janwar junaishe

September 1, 2021: Jammu & Kashmir para 2019 saal te alag howa bechete, itya union territory of Ladakh te state bird aro animal junaishe. Ladakh union territory administration para black-necked crane toh State laga bird ase koikena junaishe aro snow leopard toh state animal ase koikena Ladakh administration para janai thishe. Ladakh forest aro environment department para etu khobor nemite notification issued korishe. Black-necked cranes (Grus nigricollis) toh duniyaa te kali crane laga alpine species ase aro etu laga population toh estimated kora te 13,500 neshina ase koishe. Ladakh te Cranes toh April aro March moina samai ahishe aro jaga laga high-altitude lakes, Tso Kar, Hanle aro Pangong jaga te thakai soruh hoishe. Etu samai, elusive snow leopard toh high valleys aro Ladakh mountains te thakina pera soruh hoishe. Ladakh jaga toh high-altitude cold desert ase aro etu jaga te snow leopard toh bharal (blue sheep), ibex aro marmots kaikena thakiboli pare ase koikena, khobor para janai thishe.