Los Angeles, 4 August : Lady Gaga ke Sunday, August 3 te Malibu te ekta stylish coffee run marte dekha gise, tai Los Angeles te laga ekta pichla sold-out show khotom koria pichete. Tai ekta oversized blazer aru knee-high boots pori thaka time te, 39 saal laga Gaga news te uthise nohoile tai laga outfit karone nohoi, kintu tai laga handbag te tangise thaka ekta unique accessory karone: ekta custom-made Labubu doll, jun fashion designer Marko Monroe pora banai dise — itu Just Jared report korise.
Labubu, ekta quirky aru dangor popular collectible toy ase jun China laga brand Pop Mart pora ahe, fashion dunia te ekdom trend banaise. Goblin-jona face aru colorful furry suit pora chinijai thaka ei plushies khan beshi homoi bag aru backpack te clip kori loise dekha jai. Kintu Gaga etiya itu style ke ekdam next level te loi jaishey.
Just Jared laga report hishab te, Gaga laga bag te tangise thaka itu plush toy ekta one-of-a-kind design ase, jun tai laga Mayhem Ball tour te pora ekta costume inspired kori design kora hoise. Monroe pora banai thaka ei custom Labubu, Gaga laga dangor stage personality ke reflect kore, junte intricate detailing aru bold fashion flair thakise.
Add Comment