DIBRUGARH: Assam Medical College Hospital (AMCH) Friday din te etia jai thaka chamela te etu tew Laika aro Dodhia forest bosti nimete ekta bacha bukha maiki kun etu te bhaagh loishe murishe.
Etu murijaa maiki laga naam toh 24 umar Kusmita Morang ase.Kusmita ke AMCH te serious condition te luijaishe etu bi tai laga health toh achanak para biya huwa pichede makeshift camp Tinsukia te deputy commissioner laga office osorte.
Kusmita Morang toh Bisnu Morang Dodhia Kuligaon te thaka laga maiki ase.protestors khan npara relief camps khan Lezaihola Borguri te bonaishe district administration ke pressure dibole nimete tai khan laga demand toh fulfill kuribole nimete.
Radhika Chungrang, ekta maiki protestor para koikena janaishe” Kusmita toh ami khan logote camp te protest kuri thakishe bishi sal para.”
Tai para koikena janaishe “tai toh bacha bukhikena thakishe aro tai laga condition toh achanak para biya hoishe camp te. Tai ke Tinsukia civil hospital te luijaishe kuntu te doctors khan tai ke AMCH Dibrugarh te luijaishe. Tai laga naakh para khoon olaishe tai ke AMCH te admit kura samay te.”
Chungrang para koikena janaishe”ami khan laga protest toh jai thakibo ami khan laga demand toh fulfill nohoa tak .judi government khan paranai koile toh January 31 bithor te t ai khan ke rehabilitate kuribole n nimete ami khan ahibole thaka assembly election toh boycott kuribo.”
Olop akhe te Reboti Pao ekta 55 umar maiki protester toh murishe tai ghor para wapas aha samay te.
Etu duita bosti kuntu toh Dibru-Saikhowa National Park, bithor te thaka toh etu families khan laga settlement khan thakishe kun khan 1950 laga earthquake huwa pichede ghor nathaka hoishe.
Etu bosti manu kun khan indigenous Mising tribe para thaka toh bishi wak ghor nathaka khan thakishe dhemaji aro dibrugarh districts para thakishe.
Tai khan toh etu duita forest bhostti te 70 sal para buikena thakishe. chief minister para environment & forest and revenue departments ke etu families khan ke January 31 tak rehabilitate kuribole janaishe.
Add Comment