November 10, 2024: Former One Direction star Liam Payne laka tragic death deh ekta dangor update hui shae. Argentine authorities para taila death karne suicide tho rule out kuri di shae. News tho Deadline para confirm kuri shae. 31 sal laka singer, kun globally successful boy band deh role taka karne bishi manu janeh, tai tho October 16 deh muri jai shae, ekta third-floor balcony para gira piche deh. Local prosecutors para Payne laka jokom kan tho self-harm para aha nahoi kui nah conclude kuri shae. Official autopsy isap deh, taila death tho jokom bishi karne ase, gira lokot deh. Death laka case tho gira karne ase kui nah confirm hui nah ase, hoile b additional layer ekta ahi nah ase. Deadline para pah ekta toxicology report para Payne tho taila body deh alak alak substance kan pitor deh taki shae, tai mura time deh.
Payne laka death upor deh investigation kura tho, teetha manu laka against charges olai shae. Hoile b ekjun keh b arrest kuri nah nai. Charges face kura teenjun tho singer lokot deh close taki shae kui nah janai di ase aro incident deh involved taki shae kui nah b janai di shae. Ekta suspect tho Payne lokot deh ekta close working relationship taki shae. Alak tho hotel laka employee taki shae, Third suspect tho Payne keh substance dia karne accused hui nah ase, Deadline laka isap deh.
Add Comment