NAMPONG | Aug 16, 2019(DIPRO): Local MLA Laisam Simai para tai laga constituency laga akhe wala model village Changlang district, CM’s Adharsh Gram Yojana (CMAGY),bithor te Friday din te khulishe.Tai para aro bi bosti te nutun bona health centre bi khulishe.
Simai para etu khula pichede manu khan ke koishe ki”State government khan state ke uthabole nimete bhabona kuri ase aro etu para bodli anishe etia thaka government laga working system te.”
Ahibole thaka project aro kuribole thaka uporte kotha kura time te MLA para koishe ki ekdin ahibo etu te thaka manu khan self reliant hoijabo .
Tai laga constituency te unemployment laga kotha kura time te tai koishe”SSB para jobs nimete exams khan lobo aro favourtism khan nathakibo recruitment process te etia laga government bithor te .”
MLA para bosti manu khan aro agencies khan ke etu project khan shuru kuribole koishe guidelines hisaab te aro manu khan ke agricultural aro allied activities khan lobi koishe aro koishe ki etu agriculture aro horticulture sector socioeconomic development nimete bishi scope ase .”
Tai constituency te Longman ke first model village chuna uporte kotha kura time te tai koishe “Etu bosti toh asol te bi model village thakibole lageh.
Olop akhe te Changlang DC RK Sharma para CMAGY, laga alag alag components uporte kotha kurikena tai para farmers khan ke alag alag government laga schemes khan laga laaph lobi koikena janaishe.Tai para aro bi district laga youths khan ke drug abuse aro trafficking te nathakibi koishe aro district ke sapha kurikena plastic free rakhi dibi koikena janaishe .
Jairampur ADC SS Choudhury para bosti manu khan ke etu infrastructure CMAGY bithor te bana toh thik para chulabi koishe.Tai para aro bi koishe important locations khan te dustbin dhalibole nimete Swachh Bharat Mission bithor te.
Nampong BDO khobor dishe ki etu model village CMAGY bithor te thaka toh first phase work khotom kurishe aro second phase laga kaam chuli ase .
Add Comment