World championships bronze medallist Lakshya Sen aro Malvika Bansod second round ponchise men’s aro women’s singles teh Korea Open Super 500 badminton tournament Tuesday din teh.
Sen aro Choi ji Hoon 14-21 21-16 21-18 teh harai dishe opening round match ek ghanta bitor teh, Bansod 20-22 22-20 21-10 teh jetishe world no 24 Han Yue China khelari khe harainah.
Sixth seed Sen joa choi moina teh bhal khelina aheh ase German Open aro All England Championships teh, tai etia Indonesia laka Shesar Hiren Rhustavito lokot khelibo.
Unseeded Bansod, tai finals ponchishe Syed Modi Super 300 tournament January moinah teh, tai etia sixth seeded Thai Pornpawee Chochuwong second round teh khelibo.
Hoilehbi Swiss Open finalist HS Prannoy karneh din biya thakishe kileh maneh tai Malaysia laka Cheam June Wei haat teh 17-21 7-21 teh harijaishe 41 minutes teh.
Doubles teh, men’s pairing Garaga aro Vishnuvardhan Goud Panjala harishe 14-21 19-21 Pramudya Kusumawardana aro Yeremia Erich Yoche Yacob Rambitan Indonesia khelari haat teh, arao Bokka Navaneeth aro B Sumeeth Reddy harishe 14-21 19-21 teh sixth seede Malaysian pair Ong Yew Sin aro Teo Ee yi haat teh.
Ageh teh Sen dukh paishe Choi lokot khelina aro tai game tai laka haat teh luinah kheli thakishe, aro Indian 14-14 kuribo pareh piche teh Korean khelari lead lubo parishe 1-0 teh.
20 saal khelari Almora para ahishe, second game teh 11-7 lead kuribo parishe interval teh aro aro match khe decider kuribo parishe. Third game teh Choi 8-3 teh lead kuribo parishe hoilehbi Sen 16-13 kuribo parishe aro ageh thakishe match khotom hoa thak.
Add Comment