Lucknow, 2 December : Lakshya Sen itu Sunday din Syed Modi International laga men’s singles title jiti loise, Singapore laga Jia Heng Jason Teh ke final match te harai dibi. Sen itu summit clash 21-6, 21-7 hisab te sirf 31 minutes te khel khotom kuri loise, aru itu tournament te tisra Indian hoise top honours loa karone. Aage PV Sindhu itu women’s singles trophy jiti loise, aru Indian duo Treesa Jolly aru Gayatri Gopichand women’s doubles title uthai loise.
Sen laga final match shuru para domination thakise, aru Singaporean player para serious competition nai dikhai.
Dusra side te, Sindhu, juntu 2024 season shuru para struggle kur thaikise, China laga Wu Luo Yu ke 21-14, 21-16 hisab te 47-minute match te harai dibi aru tin number tournament trophy jiti loise. Sindhu aage itu tournament 2017 aru 2022 te bhi jiti loise. Tai laga last title July 2022 te Singapore Open te jiti thakise. 2024 season te, Sindhu Malaysia Masters Super 500 final tak pohchise, aru idu din Lucknow te title drought khotom kuri loise.
Women’s doubles te, Treesa aru Gayatri ekta dangor achievement kuri loise tai laga first Super 300 title jiti. Tai khan China laga Bao Li Jing aru Li Qian ke 21-18, 21-11 hisab te harai dibi aru itu tournament jiti tha kha Indian women’s doubles team te first banise. Commonwealth Games bronze medal jiti tha kha Treesa aru Gayatri, jun khan 2022 edition te runners-up thakise, idu bar ek step aage jai loise.
Men’s doubles te, Pruthvi Krishnamurthy Roy aru Sai Pratheek K bishi resilience dikhai final te, kintu narrowly China laga Huang Di aru Liu Yang ke 14-21, 21-19, 17-21 hisab te 71-minute laga grueling match te hari jise.
Mixed doubles te, fifth-seeded Tanisha Castro aru Dhruv Kapila strong shuru kuri thakise aru first game jiti thakise, kintu last te Thailand laga sixth-seeded pair Dechapol Puavaranukroh aru Supissara Paewsampran ke 21-18, 14-21, 8-21 hisab te hari dibi.
Add Comment