Odense, 17 October : Denmark Open Badminton Tournament te, India laga star shuttler Lakshya Sen Men’s Singles laga quarter-finals te jagah confirm kori loise, Odense te choli thaka tournament te. Tai jaa kali home favourite Anders Antonsen ke Round of 16 te harai dise. Aji dupor te tai France laga Alex Lanier logot samna koribo, aru match 5:10 PM pora shuru hobo.
Men’s doubles te, sixth seed Satwiksairaj Rankireddy aru Chirag Shetty bhi jaa kali Chinese Taipei laga Yang Po-han aru Liu Kuang-Heng ke harai kene quarter-finals te reach kori loise. India laga itu duo aji dupor te Indonesia laga Muhammad Rian Ardianto aru Rahmat Hidayat logot samna koribo. Match 4:30 PM pora shuru hobo.
Add Comment