AIZAWL, December 20, 2018:Officials Thursday te koishe Zoram People’s Movement (ZPM) leader Lalduhoma duita constituencies para ekta toh vacate kurishe. ZPM leader para 40-member Mizoram Assembly te November 28 te bag kurishe.Assembly Secretary S.R. Zokhuma koishe ZPM leader para Serchip constituency retain kuribole, Aizawl West-I seat charibole decide kurishe.
Zokhuma PTI ke koishe Wednesday te Mr. Lalduhoma tai laga resignation submit kurishe. Resignation submit kora pichete Assembly Secretary para etu matter laga kotha issue kurishe.
Official source koishe seat laga bypoll toh aha saal laga parliamentary election logote hubo genika ase.
ZPM para etu hafta agote statement diya hesab te Mr. Lalduhoma para Serchhip seat retain kuribole laga decision toh senior leaders laga consultation para ase.
ZPM leader para pach-bar chief minister Lal Thanhawla huwa ke haraishe. Serchip seat toh 410 votes laga margin para ZMP jeetishe. Aizawl te West-I, Lalduhoma para Mizo National Front(MNF) laga legislator aro former minister K. Sangthuama ke 1060 votes para haraishe.
v
Add Comment