SPAIN: Laliga te Lionel Messi laga form phal oporte phal wala hoi jai ase. Sunday din Barcelona pora Levante ke 5-0 jitese. Lionel Messi pora Laliga laga 31st Hat-trick marise. 31 sal Argentinian pora jowa hafta bi ektum sundor 2 freekick marikena Espanyol logote goal tishe. Ito hat- trick marikena Messi ito season laga goal 20 ponjise. Tai khali hat-trick mara hi nahoikena Luis Suarez laga 35th minute goal aro Pique laga last minute goal bi tai pora ponaitishe. Barcelona ito match parikena 3 points pora oporte table top korise. Barcelona pressure te thakise kilemane Atletico Madrid aro Sevilla taijon bi taikhan logote points eki hoijaikena thakise.
Ulag wala match te Sevilla pora Girona ke 2-0 jitekena taikhan Laliga laka 2nd position te ahijaise. Ever Banega aro Pablo Sarabia pora goal marise.
Add Comment