December 11, 2023 : Itu Granada aru Athletic Bilbao majetey LaLiga Match hoishey, kuntu toh hoiley Monday din tey resume kuriboley asey, suspend kuri kena thaka pichetey, ekta fan muria laga pichetey, itu Nuevo Los Carmenes Stadium tey para.
Sunday laga match toh hoiley rukhai dishey, 17 minutes pichetey, ekta medical emergency thaka nimitey, duita club para para bhi pichetey confirm kurishey ki, ekta Granada fan toh hoiley murishey koi kena.
“Itu club para moi khan, moi khan laga most sincere condolences pathaboley mon asey, itu muria laga family aru friends khan ke, aru itu logotey, itu entire Granada family ke bhi,” Granada para koishey, ekta statement tey.
Bilbao para add kurishey ki, “Athletic Club para tai khan laga deepest condolences express kuri asey. Moi khan laga bhabana khan toh itu manu laga family aru morom kuria manu khan logotey asey.
Granada laga sporting director – Alfredo Garcia Amado para koishey, itu match pichetey ki, itu fan toh toh hoiley ekta cardiac arrest face kurishey.
Duita club khan para bhi announce kurishey ki, fans khan toh hoiley tai khan laga original ticket khan chulaboley paribo, Sunday laga game nimitey, aru kun khan attend kuriboley napribo tai khan ke poisa wapas ghurai dibo koishey.
Add Comment