Lamhainamdi moraideya: SIT para 19 jun kelaaf chargesheet file korise

Kohima, 22 July: State Crime Police Station te Special Investigation Team of PHQ para alak alak factions laga Nineteen (19) jun kelaaf chargesheet submit korise July 22, 2021 te. Etu toh March 22^nd, 2021 te Lamhainamdi Bosti te tin jun manu ke bondh dukh hamla aro mora deya opor te ase.

Superintendent of Police (Crime) aro PRO para khobor janaideya te chargesheet toh U/S 302/120B/436/34 IPC r/w 25 (1A)25(1 B) (a)/ 27(3) Arms Act and 7/8 NSR te filed korise koise. Aro nineteen jun laga te seven jun ke toh SIT para arrest kora be korikena ase aro etiya Judicial Custody te ase koise. Aro bacha twelve (12) kelaaf pesara chari thakibo koise.

Seven jun arrest howa khan: Kisheto Zhimomi (Head GB, Vihuto Village), Munwang Konyak (NSCN IM), Tongkhahao Sitlhou of Athibung, Vikheshe Achumi of Thilixu, Yepeka Kiba (NSCN IM), Lentilen Hangsing (NSCN U), aro Livingson Awomi of Thilixu ase koise.

SP para ebe jarjun kon etu case te melikena poila arrest hoise tai khan ke bail manishe aro case para olaise koise.

Poila ekta Suo motto case toh sections 302/120B/188/34 IPC R/W 25 1B/27 (3) Arms Act pithor te 23/03/2021 te registered kora thakise aro etu toh State Crime Police Station (SCPS) para najana manu kelaaf Lamhainamdi village on March 22, 2021 te tin jun moraideya opor te thakise koise.

Etu bechae te, ekta Special Investigation Team te ekta senior police officer para headed bona toh case laga investigation nemite thakise koise. Investigation te nineteen (19) chargesheeted accused manu toh tin jun moraideya te deep-rooted criminal conspiracy to plan, prepare aro execute laga part thakise koise.

SIT toh jungle te makeshift camp te thakise aro etu toh Vihu Bosti para 2-3 kms dur ase koise. Etu toh charge-sheeted accused para crime nemite accommodation aro daiyari karni jola thakise koise aro alak alak incriminating evidences jama korise koise.

Investigation samai te, SIT para alak alak incriminating evidences seized kora te Accused laga photographs hatiyar logote markeshift jungle camp te thaka samai, videos, centain technical evidences, crucial material evidences- goli aro aro tusara incriminating materials Scene of crime para nesana khan thakise koise.

Etu case te mela olob tusara najana manu laga identities be bonaishe koise. Aro case te agae investigation loi ase koise.