Madrid, 12 November : Spain laga upcoming 2026 World Cup qualifiers karone Lamine Yamal ke squad pora hatai dise, karon tai medical treatment loise — itu Spanish Football Federation (RFEF) pora Tuesday te confirm kori dise.
RFEF laga kotha hisab te, 18 saal laga Barcelona winger Yamal, juntu club laga last five matches te injury karone khelianai, Monday te radiofrequency procedure loise.
Yamal originally Monday te Spain squad join koribo thakise, juntu upcoming 2026 World Cup qualifiers laga preparation start korise. Kintu Barcelona winger etiya bhi groin injury te problem face kori ase, juntu karone tai last few haafta te sidelined ase aru October laga previous qualifying window te bhi Spain karone khelibo para nai.
Add Comment