April 24, 2026: Spain laga forward Lamine Yamal toh bache kena thakea Barcelona laga season te khele bole napare bo, hoile be tai World Cup karne toh ready thake jabo koi she.
18 sal Yamal Wednesday laga match te, tai laga hamstring toh jokhom pai she. Tai khan utu match te Celta Vigo laga khelaf khele thake she, aro 1-0 te para jete jai she.
Yamal akrne 40th minute te Barcelona khan ke ekta goal goshai kena ahge loi jai she. Hoile be thik etu piche te mati te gere jai she tai, tai laga thang toh dure kena. Medical staff khan tai ke gorund para othai kena loi jai she.
Club para Thursday te tai laga jokhom laga statement de she. Aro koi she ki Yamal toh bache kena thakea season khan toh khele bole napa re bo koi she.
Add Comment