China, 19 April : McLaren laga Lando Norris para Lewis Hamilton laga Mercedes ke ekta pole position dey pipe kurishey Friday dey itu Chinese Grand Prix sprint race para kitia Shanghai dey paarishey para qualifying dey havoc kurishey.
Fernando Alonso ekta Aston Martin dey third ahishey kitia championship leader Max Verstappen toh fourth ahishey.
Verstappen laga Red Bull team-mate Sergio Perez toh sixth thakishey, Carlos Sainz aro Charles Leclerc laga Ferraris ke split kurina, kun itu wet track dey ekta spin survive kurishey.
Hamilton toh agey dey top thakishey kitia Norris laga 1min 57.940sec laga quickest lap ekta intermediate wet tyres dey delet huishey track limits ke breach kuria karoneh, kuntu ek minite piche dey stewards para reinstate kurishey.
Shanghai International Circuit dey ekta dangor bheer para zor para haala kurishey kitia hometown hero Zhou Guanyu toh 10th dey qualify huishey.
Oscar Piastri toh tai laga McLaren dey eighth thakishey aro Zhou laga teammate Valtteri Bottas toh ninth thakishey aro grid dey top10 round out kurishey Saturday laga 19-lap shootout karney.
Saturday laga sprint toh qualifying piche dey huwo, Sunday laga 56-lap grand prix karney grid set kuriboley, 2019 para luina China dey agey par.
Add Comment