Abu Dhabi, 8 December : McLaren driver Lando Norris Formula 1 2025 Drivers’ Championship jiti loise, title-decider Abu Dhabi Grand Prix-te Max Verstappen aru tai laga teammate Oscar Piastri laga pichete third place-te finish kurikina. 26 saal laga Norris, 2008-te Lewis Hamilton pichete, McLaren pora prothom driver juntu championship jiti ase, aru Britain laga 11th Formula One world champion bhi banise.
Norris, tai laga 7th season-te, Verstappen laga char saal laga domination ke khotom kori dise. Red Bull driver Verstappen Sunday laga race dominate kurikina win to pai loye, kintu title comeback duita point niche te ruki jaise.
Opening lap-te tai laga teammate Norris ke cross kurikina Oscar Piastri—juntu aru ekta title challenger thakise—second place-te finish kurise. Verstappen pole position pora race win kurise.
Add Comment