Paris, 12 April : Formula 1 driver Lando Norris, Max Verstappen laga comment ke jawab dise juntu te Verstappen koise ki tai McLaren laga gaari te race korile auru bhal perform koribo parilag bo. Verstappen, juntu four-time World Champion ase, Suzuka te season laga patham jeet loi Japanese Grand Prix fourth time jitse, aru etu pichhe McLaren ke ekta comment marise.
Dutch-Belgian driver Verstappen koise, jodi tai McLaren laga gaari te race kori thakile, tai “out of sight” hoi jabo thakibo. Lando Norris etu comment ke reply dise koi, “Max amikhan laga gaari test koribole chaile welcome ase, kintu result dekhi disappoint he hobo.”
Japan te Verstappen, Lando Norris aru Oscar Piastri duijon ke harai title race laga point gap komai dise. Tai race weekend te nijor performance logot satisfied ase buli koise.
Bahrain te Verstappen ke etu comment upor question korile, tai turant koise ki etu joke nohoi, seriously he koise.
Lando Norris laga expression pora lage ki tai Verstappen laga etu comment bhal napailai. Nijor aru teammate ke support kori, Norris koise ki Verstappen certain jagah te bhal ase, kintu sob jagah te nohoi.
McLaren aru Red Bull duijon team ekhon aabuni April 13 tarikh te Bahrain International Circuit te hobo laga Bahrain Grand Prix te dhyan disey, jitu te Constructors Championship laga race heat up hoijai ase. Present te reigning Constructors champion team 111 point logot top te ase, Mercedes 75 point logot second te ase, aru Red Bull 61 point logot third te ase.
Add Comment