July 29, 2026, 6:58 PM: Upper Penli Ward, Mokokchung Town tey ekta landslide hoishey, 29th July, 2026 tey, itu ghatna hoa tey, duita chukra laga jaan loidishey, (dada aru bhai) ekta laga, 16 aru 19 saal age laga, Alisophur Village laga, Tuensang District under tey.
Tai khan laga ama, kun toh hoiley jokhom paishey itu ghatna hoa homo tey, tai toh hoiley itya medical treatment loi asey.
Itu duita dada & bhai laga dead body toh tai khan laga bosti tey wapas loi aha homoi tey, bosti laga leader khan, parivar laga member khan, well wisher khan aru itu Sangtam community laga member khan toh jama kurishey, tai khan ke receive kuriboley, mon bishi dukh kuri kena, aru tai khan laga final respect pay kurishey.
Itu duita muria dada aru bhai ke, pichetey tai khan laga bosti tey hey dabai dishey, Alisophur tey, Tuensang District under tey.
