June 04, 2025, 06:26 PM: Narukhi kena pani gira para, landslide hoi jaishey National Highway-2 phaney, significant damage kuri di kena, Phesama aru Kisama majetey aru bishi gari khan ke tatey phasai di kena jaboley napari kena, itu affect hoi kena thaka raasta laga duita side tey bhi.
Nagaland Deputy Chief Minister – TR. Zeliang para itu site tey visit kurishey, alternative raasta measure kuriboley karney, 3rd laga May tey. Itu Jakhama Sub-Division laga district administration kuntu toh hoiley SDO (Civil) Veneikho Tetso, NCS para chulai jai thakey, tai para relief provide kurishey phashi kena thaka gari khan ke, aru tai para initial response effort khan logotey coordinate kurishey.
Local organization khan bhi tatey assist kuriboley karney punchishey koishey. Youth member khan, Phesama Baptist Church laga aru Phesama Youth Organisation para, temporary footpath khan construct kurishey, phasi kena thaka aha jawa kuria manu khan ke modod kuriboley karney, itu biya hoi kena thaka area para ulai kena jaboley karney, Tai khan para cha aru snack khan distribute kurishey, itu affect hoi kena thaka manu khan ke.
Add Comment